اسيرة المشاعر
عضو ماسي
عدد المساهمات : 249
نقاط : 52193
السٌّمعَة : 21
تاريخ التسجيل : 29/03/2010
 |  موضوع: حبة رز  الإثنين أبريل 26, 2010 2:59 am | |
| Date: Sunday, February 21, 2010, 4:07 PM
بدي أحكيلكو مثال من هلأ ما حدا يضحك عليي !
لو كل يوم أعطيتك حبة رز صغيرة ... وقلتلك خليها معك.عشان تطبخهم آخر الأسبوع ..غداك يوم الجمعة ..يمكن تستسخفني صح ؟ (استرجي
يمكن تقول حبة رز باليوم..بالأسبوع بسووش معلقة! شو بدي فيهم!
طيب ازا الكرم الحاتمي نزل عليي ..وقررت أعطيك حبة كل ساعة ..
اتحسّن الوضع صح؟!
لو كل دقيقة؟....
يمكن تجمّع شوال!!
بكفوك مونة شهر !
طب شو فرقت..مهي حبة رز!
وحبة الرز ان طااارت وان نزلت بتضل حبة رز..اشمعنا انبسطت عالتانية والأولى ولا شلتها من أرضها؟!
لوين بدي أوصل؟؟!
كتــــــــــــــــــير منا بقول ...
شو يعني لو ما بطلت أسمع أغاني ( مش هالشغلة الكبيرة )..أنا إيماني بالقلب!
شو يعني لو ما وقفت تدخين ( مش هالشغلة الكبيرة )في شغلات أهم...بدك تقارنيلي الدخان بالصلاة والصيام؟!
شو يعني لو ما لبست جلباب ..ما أنا متحجبة وهي البنطلون نعمة (مش هالشغلة الكبيرة ! )
يالله بس أشوف هالصورة ..الله غفور رحيم ..هالفيديو...
****
ارجع ريفيرس لورا ... مش كتير..لعند حبّة الرز بس!
أول مرة قلت عنها مش هالشغلة الكبيرة...
وشو بدها تسوي!
ولما خليناها حبّة بالدقيقة..آخر الأسبوع جمعت إشي يشبعك!
اتطلّع معي...
هادي حبّة رزة...
فما بالك لو كانت ذَرَّة! وانت عارف قديش الذرّة أصغر من الرزة!
قال تعالى (( فمن يعمل مثقال ذرة خيراً يره ))
ربنا اللي قال...مش أنا...
شو بدها تعملك حبّة الرز ؟؟ شو بدها تعملك هالذرّة الصغيرة؟!
الله سبحانه وتعالى بقول... ((يره )) يعني رح تلاقيها!
انت مش بحاجة الها؟
طب..كيف بدك تشبع؟
ما عم أحكي عن نهاية أسبوع بنعد فيها حبّات الرز!..
عم بحكي عن نهاية العالم يوم القيامة لما تنعد فيها ذرّات العمل الصالح!
ازا هادي الشغلة البسيطة السخيفة ما قدرت تعملها ...وضليت تسمع أغاني
وضليت تدخن
وضليت تتطلّع عالحرام وتخون حالك!
وانت بقرارة نفسك عارف انه غلط!
انت مش بس يمكن تجوع بالأخير ..وما تجمع معلقة رز !
اسمع تكمالة الآيات !
(( ومن يعمل مثقال ذرّة شراً يره ))!
مش بس مش عم يجمّع رز!
عم بعاند
عم ببخل عحاله
عم بلم حجار بدال الرز!
وكله ((يره))
ولو كان قد الذرّة من الشر!
فإنت شو بدك تشوف؟
لسة بدك تقول هادي صغيرة وهادي كبيرة ؟
هادي مهمة وهادي في أهم منها؟
أي اشي الله عطاك القدرة تمتنع عنه لو شر..او تعمله لو كان فيه خير الك شو بتستنى؟!
بلاش تجي نهاية الأسبوع...
وانت الرُزّات اللي جمعتهم...ما بعبوا معلقة!
لسة بتقول ما كلها حبّة رُز
|
| |
|
سيد الامنيات
Admin
عدد المساهمات : 3388
نقاط : 59355
السٌّمعَة : 158
تاريخ التسجيل : 26/03/2010
| | موضوع: رد: حبة رز الأربعاء مايو 12, 2010 1:03 am | |
| | |
|
